Cineasta a reivindicar no eido do cinema de autor europeo, creador de curtametraxes, mediametraxes e longametraxes cuxa recepción no circuíto internacional de festivais está mais que contrastada, Maxime Martinot protagoniza o primeiro foco internacional dedicado á súa obra. Durante a súa estancia na nosa cidade, o produtor, escritor e realizador bretón compartirá a súa heterodoxa concepción do cinema e faranos cómplices dos seus procesos creativos.