O equipo de programación de Novos Cinemas, e os programadores Jean-Jacques Martinod (Mimesis Documentary Festival) e Daniel Maciel (MDOC – Festival Internacional de Documentário de Melgaço) participarán nunha mesa de traballo cuxa finalidade é idear e compartir estratexias que promovan a internacionalización dos seus proxectos de xeito colaborativo; tendo sempre en conta os criterios estéticos e ideolóxicos que estuturan as súas liñas editoriais, e mantendo o seu compromiso coa sustentabilidade e a interacción social.