Xoán Fernández Diz é un director, guionista e editor graduado en Comunicación Audiovisual pola USC e no mestrado FRAME en Montaxe Cinematográfica da escola LENS de Madrid. Algúns dos seus traballos foron seleccionados en festivais a nivel nacional e internacional como o Primavera de Cine de Vigo, Festival de Cine de Ourense (OUFF) e MUTA Festival Internacional de Apropiación Audiovisual entre outros. Asistiu a diferentes cursos impartidos por profesionais do medio como Rita Azevedo Gomes, Carla Simón, Lois Patiño e Álvaro Gago. Dende o 2021 colabora no Cineclub Cangas.