O equipo de programación de Novos Cinemas ofreceu a Carta Branca da décima edición ao Mimesis Documentary Festival -iniciativa do Center for Documentary and Ethnographic Media, University of Colorado Boulder-, festival especializado no documental creativo, cuxa liña editorial abrangue a vertente tradicional, experimental, etnográfica e rexional, promovendo temáticas, prácticas e comunidades subrepresentadas. 

Catro curtametraxes compoñen esta escolma. Un dos seus programadores, Jean-Jacques Martinod (xurado da Sección Oficial), presentará unha selección que sintetiza o ideario estético e ideolóxico deste singular e transversal proxecto.