Chus Domínguez é un artista audiovisual que traballa na órbita do cinema/vídeo documental e experimental, na procura de novas formas de representación do real. A súa obra exhibiuse e foi premiada en numerosos festivais internacionais e centros de arte. Forma parte xunto ao músico Nilo Gallego do colectivo Orquestina de pigmeos, co que realizou accións en varios países europeos. Codirector xunto á investigadora Belén Sola do LAAV_ (Laboratorio de Antropoloxía Audiovisual Experimental, Madrid), co que desenvolveu diversos proxectos de creación-investigación con comunidades. Docente na Escola de Cinema da Comunidad de Madrid (ECAM) e no Grao en Belas Artes na Universidade de Salamanca.