Jorge Quintela (O Porto, 1981), licenciado en Fotografía e Audiovisuais en 2003 pola Escola Superior Artística do Porto, é membro fundador da produtora Bando à Parte e traballa no mundo do cinema como director e director de fotografía. Como director, debutou en 2010 coa curtametraxe de ficción Ausstieg (Mención de Honra na Competición Experimental de Curtas Vila do Conde), proxectado en varios festivais internacionais. Tamén en 2010, estreou o documental On the Road to Femina no IndieLisboa. Con Carosello (2013), gañou o Gran Premio en Curtas Vila do Conde, e os premios á Mellor Curtametraxe e o Premio do Público no Festival de Cinema Luso-Brasileiro.
A súa obra foi presentada en máis de 40 festivais e mostras internacionais. Foi o director destacado no programa Sangue Novo do Festival de Cinema Luso-Brasileiro de 2015. En 2024, a curtametraxe documental Salas de ensaio para um materialismo histórico estreouse no Festival de Cinema Porto/Post/Doc.
WORKING CLASS HEROES é unha proposta desenvolvida por Porto/Post/Doc en colaboración con Filmaporto – Film Commission e Fundación La Caixa / Caixa Forum. O proxecto ten dous obxectivos principais: apoiar a produción cinematográfica sobre a clase traballadora que construíu a cidade de Oporto ao longo do tempo, e promover a produción de novos filmes que acheguen as voces de diferentes cineastas ao seu territorio e comunidade.
A curtametraxe documental Stop. Salas de ensaio para um materialismo histórico. explora a historia do centro comercial Stop, no barrio de Bonfim, O Porto, enmarcándoa na crítica materialista proposta por Walter Benjamin no seu proxecto Arcades.
Presentación de Sergio Gomes (Produtor executivo de Porto/Post/Doc) e Jorge Quintela (Director)
Portugal | 2025 | 23´ | Cor
A curtametraxe documental Stop. Salas de ensaio para um materialismo histórico. explora a historia do centro comercial Stop, no barrio de Bonfim, O Porto, enmarcándoa na crítica materialista proposta por Walter Benjamin no seu proxecto Arcades.
Dir: Jorge Quintela.
Gn/Sc: Mário Gomes, Jorge Quintela.
Voz/Text: Joana Carvalho.
Ft/Cn: Jorge Quintela, André Peixoto.
Mt/Ed: Cláudia Ribeiro.
Sn/Snd: Rui Lima, Sérgio Martins.
Int/Cast: Pedro Khron, Carlos Moura, Fernanda Gonçalves, Bernardo Queiroz and Guilherme Lucas. Pr.E./Ex.Pr.: Rodrigo Areias.
Pr./Pr.Cp.: BANDO À PARTE, Caixa Forum +