O meu nome é Ricardo. Durante 24 anos loitei por pronunciar a letra R, o que me levou a reprimir a miña voz. Este ensaio documental é unha viaxe íntima en busca da identidade da miña voz e o esforzo por liberala, reflectido no meu percorrido persoal de regreso á casa dos meus pais. Desta maneira, Rotacismo preséntase como un ensaio documental no que, aos poucos, o concepto da voz entrelázase co da identidade. Tamén busca responder preguntas sobre a invisibilidade, o desenvolvemento tardío da voz e a complexidade da construción do eu, marcada pola discapacidade e unha sexualidade disidente.