Tres medievais desembarcan non Río da Prata e mergúllanse na selva ribeirega. Están buscando un lugar sacro ao que deben chegar antes do anoitecer.

Manque A Banca (Bariloche, 1990) é cineasta, produtor e músico. Estudou Belas Artes na UNLP. Dirixiu a curtametraxe T.R.A.P. (2018), que tivo a súa estrea na Berlinale 2018. A súa primeira longametraxe, Esquí (2021),  estreouse en Berlinale Forum e obtivo o premio Fipresci da crítica internacional.

«No es», de Mariano Blatt, é un poema acumulativo cuxo proceso de escritura constante podería extenderse durante toda unha vida. O seu texto é capaz de cubrir calquera cousa: imaxes, persoas, paisaxes, frases, ideas.

Eduardo Williams (1987, Arxentina) estudou na Universidade do Cinema (Bos Aires), antes de incorporarse a Le Fresnoy – Studio national des arts contemporains (Francia). As súas curtametraxes Pude ver un puma (2011) e That I’m Falling? (2013) estreáronse na Cinéfondation e na Quincena de Realizadores do Festival de Cannes, seguidos de Tôi quên rồi! (2014), que se estreou no FIDMarseille. Organizáronse retrospectivas das súas curtametraxes na Cinémathèque Française (París) e na Film Society of Lincoln Center (Nova York). A súa primeira longametraxe,  El auge del humano (2016), gañou o premio Filmmakers of the Present na 69ª edición do Festival de Cinema de Locarno,  proxectándose, entre outros festivais, no FIC de Toronto (Wavelengths), e no Festival de Cinema de Nova York (Projections). En 2020 presenta Parsi, codirixido con Mariano Blatt, que se estrea na Berlinale, e no 2023, presenta en Locarno El auge del humano 3. 

Mariano Blatt (1983, Argentina) é poeta e editor literario. Mi juventud unida (Mansalva, 2015) recoge sus poemas de 2005 a 2015. Codirixe Blatt & Ríos, unha editorial independiente.

Miss Chile ‘85 foi secuestrada por Tarzán, rei da xungla, e máximo expoñente da loita patriótica -Frente Patriótico Manuel Rodríguez- contra a ditadura de Augusto Pinochet.

Jerónimo Quevedo é cineasta e produtor cinematográfico. As súas curtametraxes, La mujer perseguida (2013) e Enfrentar animales salvajes (2014), estreáronse no FIC de San Sebastián e foron seleccionados en máis de cincuenta festivais arredor do mundo. En 2015, xunto a Victoria Marotta funda Un puma (Bos Aires), produtora responsable de numerosas longametraxes e curtametraxes premiadas e exhibidas en Berlín, Venecia, Locarno, Toronto, Nova York, Marsella, Tokio, Mar del Plata, Tate Modern, Universidade de Harvard, Cinemateca de París, entre outros festivais, mostras, museos e universidades de todo o mundo. En 2023, estrearon Arturo a los 30 (Forum 73.° Berlinale), El auge del humano 3 (Concorzo Internazionale 76.° Locarno) e El repartidor está en camino (Premio Especial doXurado en Visions du réel). Recibirono Pardo d’oro do Festival de Locarno (El auge del humano) e o Oso de Oro da Berlinale (Un movimiento extraño, Francisco Lezama).

Unha noite de maio, fai sete anos, Rafael volvía a casa dende o seu traballo. Alguén chamouno polo seu nome mentres abría a porta. Ao darse a volta atopouse con varios descoñecidos que o estaban esperando. Transportado por esas persoas, Rafael non regresou a súa casa. Desde ese momento vive coma se aquela noite nunca terminase.

Affonso Uchoa é un cineasta fincado en Brasil. A súa primeira película, Mulher á tarde (2010), proxectouse na Mostra de Tiradentes, a Semana dos Realizadores, entre outros festivais de cinema de Brasil. Tamén dirixiu A vizinhança do tigre (2014), gañadora do premio maior na Mostra de Tiradentes e galardoada noutros festivais como Olhar de Cinema e Fronteira. A película exhibiuse no Hamburg Filmfest, Lussasdoc e EDOC. É codirector de Arábia (2017), estreada na Tiger’s Competition do FIC de Rotterdam (2017) e premiada, entre outros, no Indielisboa e no Golden Apricot. A película percorreu mais de 60 festivais de todo o mundo.